Бұл сұрақ орталық коммуникациялар алаңында бүгін цифрлық даму, инновациялар және аэроғарыш өнеркәсібі министрі Бағдат Мусинге қойылды, деп хабарлайды ulysmedia.kz.
«Бюджет процесіне келер болсақ, оның үрдісі мынадай: техникалық негіздеме болған жағдайда біз қаржы министрлігіне өтінім береміз. Қаржы министрлігі бұл ақшаны қайдан алу керектігін шешіп, оның орны қалай толтырылатынын реттейді. Дәл қазір бұл қаражаттың қайдан алынатыны туралы айту ерте (...) Тағы да айтамын: біз бұл қаражатты несиеге алуымыз керек деп еш жерде жазылмаған», - деді Бағдат Мусин.
Айта кетсек «Цифрлық үкімет» жобасына қатысты Сбермен жасалған меморандум әлі күнге дейін талқыланып жатыр. Қоғамда оған қарсы шыққандар да, қолдап жатқандар да бар.
