Сарапшы Шотландияның Глазго қаласында өткен БҰҰ саммиті бүкіл әлем үшін аса маңызды оқиға екенін баса айтты, деп хабарлайды ulysmedia.kz.
life.ru-дың мәліметінше, климат бойынша дүниежүзілік конференция 12 қарашаға дейін жалғасады.
Тынық мұхитындағы бірнеше аралды мемлекеттер, соның ішінде Кирибати, Тувалу және Маршалл аралдары жаһандық жылынудың салдарынан жер бетінен жойылып кетуі мүмкін. Кирибатидегі Climate Action Network деп аталатын ғаламдық экологиялық үкіметтік емес ұйымның координаторы Пелениза Алофа осындай болжам айтты.
Оның айтуынша, жаһандық жылыну мұздықтардың еруіне және соның салдарынан теңіз деңгейінің көтерілуіне түрткі болып жатыр. Ал бұл, өз кезегінде, аралдарды толығымен су басып, тропикалық дауылдардың күшеюіне әкелуі мүмкін.
