Соңғы аптада Қазақстанда әлеуметтік маңызы бар тауарлар қымбаттаған, деп хабарлайды Ulysmedia.kz.
Қазақстанда пияздың қымбаттауы жалғасып жатыр.
Ұлттық статистика бюросының мәліметінше, 14-24 мамыр аралығында бұдан да күшті өсім тіркелді – 6,1 пайыз. Қазір Қазақстанда бір келі пияздың орташа құны 114 теңге шамасында болса, сәуір айының соңында ол небәрі 92 теңге болды.
Бір қызығы, пияз бағасының қазіргі өсуі бағаның ұзақ уақыт құлдырауынан кейін орын алып отыр. Естеріңізге сала кетейік, наурыз айында қазақ диқандары астық ысырап болмас үшін оны тіпті тегін таратуға мәжбүр болған.
Апта ішінде пиязбен қатар картоп (3,8 пайызға) және сәбіз де (1,4 пайызға) айтарлықтай қымбаттады.
Бірақ ақ қырыққабаттың бағасы айтарлықтай төмендеді – 10,4 пайызға. Бұл көкөністердің бір келісінің орташа құны келесідей:
картоп – 160 теңге;
сәбіз – 194 теңге;
қырыққабат – 138 теңге.
Айта кетейік, бағаның күрт өсуіне қарамастан, пияз бұрынғысынша бір жыл бұрынғыдан орташа есеппен 43,5 пайызға арзан. Ақ қырыққабат бір жылда 11,5 пайызға, картоп 0,8 пайызға ғана арзандаған. Бірақ мамырда сәбіз бір жыл бұрынғыдан бірден 18,3 пайызға қымбаттады.
Басқа да әлеуметтік маңызы бар азық-түлік тауарларының арасында күріш (жылына 18,4 пайызға), тұзсыз сары май (11,6 пайызға) және тауық еті (10 пайызға) бағасының қатты өскенін атап өтуге болады.
Дегенмен қарақұмық пен күнбағыс майының орташа бағасы бір жыл бұрынғыдан төмен – сәйкесінше 37,5 және 24,1 пайызға. Бір жылдағы бағаның өзгеруі.
Естеріңізге сала кетейік, бұған дейін Қазақстанда әлеуметтік маңызы бар өнімдерге шекті бағаларды алып тастау туралы шешім қабылданды, себебі бағаны реттеудің бұл тетігі тиімді болмай шықты.
