Германия мен Италияда қатты нөсердің соңы төтенше жағдайға әкелді, деп хабарлайды Ulysmedia.kz.
Жауын-шашынның салдарынан Оңтүстік Германия мен Италияның солтүстігінде қатты су тасқыны болды.
Италияда үш адам хабар-ошарсыз кетті.
1 маусымдағы Euronews мәліметтері бойынша, Оңтүстік Германияның бірқатар аймағында су тасқыны туралы ескерту жарияланды. Әсіресе судың жоғары деңгейі батыс Швабияда, жоғарғы Алгоеде және жоғарғы Баварияда тіркелген. Аугсбургте қатты жаңбыр мен су деңгейінің күрт көтерілуіне байланысты төтенше жағдай жарияланды. Алдағы сағаттарда жағдай нашарлауы мүмкін.
Сондай-ақ, су тасқыны қаупі бар - Констанс көлі ауданы. Меккенбуренде, Баден-Вюртембергте 1300-ге жуық адам эвакуацияланады.
