Ыстанбұлда үш қабатты тұрғын үй таңертең опырылып түсті, деп хабарлайды Ulysmedia.kz.
Қайғылы оқиға Күчүкшекмедже ауданында болды. Құтқарушылар қаза тапқан бір адамның денесін тауып, 7 адам зардап шекті. Денсаулық сақтау министрі Фахреттин Кожаның айтуынша, олардың 5-і қазір ауруханада.
Іздеу жұмыстары жалғасып жатыр. Құтқарушылардың айтуынша, үйінділердің астында тағы бірнеше тұрғын болуы мүмкін.
Үйдің опырылып түсуінің себебі әлі белгісіз. Оқиға орнына өрт сөндірушілер, медициналық қызметкерлер, полиция және төтенше жағдайлар және табиғи апаттар басқармасы сияқты төтенше жағдайлар қызметі жіберілді.
1988 жылы салынған құлаған ғимарат тұрақта тұрған көліктер мен өтіп бара жатқан автобусқа да зақым келтірген.
Апаттың себептерін тергеу басталды.
Еске сала кетейік, бұған дейін Түркияда дауыл салдарынан елдімекендер зардап шеккен болатын.
