ForteBank басқарма төрағасы Бекжан Пірматовтың айтуынша, Ресейге қарсы санкциялар көрші болғандықтан қазақстандық банктердің жұмысына белгілі бір дәрежеде әсер еткен, деп хабарлайды Ulysmedia.kz.
Бұл туралы Бекжан Пірматов Ulysmedia.kz бас редакторы Самал Берікқызы берген сұхбатында айтты.
Банк төрағасының сөзінше Ресейге қарсы салынған санкциялар банктегі тексерісті екі есе күшейткен.
“Көрші болғандықтан, сауда-саттық болады. Оны бір күнде не бір айда тоқтату мүмкін емес. Өзіңіз білесіз, сауда-саттық төлемдері банктер арқылы жүреді. Ал санкция орындалып жатқанын банк саласы арқылы тексереді. Ақша аударылған жоқ па деп, тексеріп отырады. Сондықтан санкцияға түсіп қалмау үшін біз де өз тарапымыздан тексеруді екі ксе күшейттік,”- дейді Пірматов.
Осыған байланысты қызметкерлер саны да өскенін айтады. Қазақстандық банктер бұл жағдайға бейімделді дейді ол.
ForteBank басқарма төрағасы Бекжан Пірматовтың Ulysmedia.kz бас редакторы Самал Берікқызына берген сұхбатының толық нұсқасы.
