Астанада Хусейн бен Талал көшесінен Ұлы Дала даңғылына дейінгі учаске жабылады. Сондықтан елорда әкімдігі тұрғындар мен қонақтардан сапарын алдын-ала жоспарлауды сұрады, деп хабарлайды Ulysmedia.kz.
Астанада Қабанбай батыр даңғылындағы жол төсемін орташа жөндеу жұмыстары жалғасуда.
11-14 маусым аралығында Хусейн бен Талал көшесінен Ұлы Дала даңғылына дейінгі учаске жабылады, деп хабарлайды елорданың көлік және жол-көлік инфрақұрылымын дамыту басқармасы.
11 маусым сағат 6.00-ден 14 маусым сағат 6.00-ге дейін бұл учаске толығымен жабылады. Қабанбай батыр – Хусейн бен Талал және Қабанбай батыр – Ұлы Дала қиылыстары ашылады.
Елорда әкімдігі тұрғындар мен қонақтардан қала жолдарындағы кептелістерді болдырмау үшін өз маршруттарын алдын ала жоспарлауды сұрады.
Бұған дейін
Сыбайлас жемқорлыққа қарсы іс-қимыл агенттігі мен Көлік министрлігі жол құрылысы саласындағы жемқорлық тәуекелдеріне бірлескен сыртқы талдау жүргізетіні белгілі болған.
Сондай-ақ
Алматы прокурорлары автомобиль жолдарын жөндеу кезінде заң бұзылған фактілерді анықтағанын жазған едік.
