Ұшақта шу шығарғаны үшін 15 тәулікке қамалған әнші Қайрат Нұртас бостандыққа шықты, деп хабарлайды Ulysmedia.kz.
Оны анасы Күлзира Айдарбекова мен жақындары барып күтіп алды.
Біз Қайрошымызды күтіп тұрмыз. Алла қаласа, бір 10 минут қалды шығуға – деді Күлзира Айдарбеков.
Еске салайық, 5 шілдеде Қайрат Нұртас 15 тәулікке қамауға алынған болатын.
Қайрат Нұртасқа ҚР ӘҚБтК-нің 434-бабының 2-бөлігі (жыл ішінде қайталап жасалған ұсақ бұзақылық) және ӘҚБтК-нің 73-баптың 1-1-бөлігі (денсаулыққа қасақана жеңіл зиян келтіру) бойынша айып тағылды.
