Құқық қорғау органдарының мәліметінше, қазір тергеу жұмыстары жүргізіліп жатыр, деп хабарлайды Ulysmedia.kz.
Алматыдағы балабақшада ұйықтайтын уақытта қыз баланы басқа баланың ұрып-соққаны туралы ақпарат пайда болды. Жарияланған кадрларда баланың бесіктегі қызды ұрып жатқанын көруге болады.
Толығырақ
– Мен оның беті мен ернінің ісігенін, көгергенін, ауыз қуысы жарақаттанғанын әрі бетінің оң жағы ісініп, ұйып қалғандықтан мүлде қозғалмағанын бірден байқадым. Менің қызым бірден жылай бастаған, ол не болғанын түсіндіре алмайды. Өйткені ол сөйлеуді енді үйреніп жүрген бала. Мұғалім мен күтуші менің ол бала не үшін ұрып-соққаны жөнінде сұрағыма жауап бере алмады (олар тіпті байқамаған да), жақын жерде отырған балалар әлгі баланың ұрғанын айтты. Мен дереу 103 және 102 нөміріне қоңырау шалдым, өйткені қызыма алғашқы көмек көрсетілмеген. Дәрігерлер бас терісі мен ерін мен бет аймағындағы жұмсақ тіндердің көгергенін айтты, - деді қыздың анасы.
Сонымен қатар, Алматы қаласының білім басқармасы тәрбиеші мен оның көмекшісіне қатысты қатаң сөгіс түрінде тәртіптік жаза қолданылғанын хабарлады
Полиция тергеу шаралары басталғанын мәлімдеді.
Еске сала кетейік, бұған дейін Қазақстанда балабақшаларды аккредиттеу енгізілетіні хабарланған болатын.
