Еуроодақтың сыртқы істер және қауіпсіздік саясаты жөніндегі жоғарғы өкілі Жозеп Боррел Израиль армиясының Газа секторындағы Ат-Табиин мектебіне жасаған соққыға қатысты пікір білдірді, деп хабарлайды Ulysmedia.kz.
АҚТАУ МҮМКІН ЕМЕС
Саясаткер әлеуметтік желіде көрген кадрлардан жағасын ұстағанын жасырмады.
«Израильдің соққысынан кейін ондаған палестиналықтың жараланғаны туралы хабарланған Газадағы босқындар мектебінің кадрлары үрейді ұшырды», - деп жазды ол.
Джозеп Боррел Палестинада қаза тапқан адамдардың санына алаңдайтынын және мұндай қантөгісті ақтау мүмкін емес екенін айтты.
"Соңғы апталарда кем дегенде 10 мектепке шабуыл жасалды. Бұл сұмдықты ақтау мүмкін емес. Біз жалпы өлім-жітім санына алаңдаймыз», - деп қорытындылады ЕО өкілі.
СОҚҚЫНЫҢ САЛДАРЫ
Израиль армиясы Газа секторындағы Ад-Дерадж ауданындағы мектепке шабуыл жасап, онда кем дегенде жүз палестиналық қаза тауып, ондаған адам жараланды. WAFA агенттігінің хабарлауынша, қоныс аударған мыңдаған адам пана болған Ат-Табиин мектебінде таңғы намаз кезінде атқылау орын алған.
Израиль шабуылдың мектепте орналасқан ХАМАС штаб-пәтерін нысанаға алғанын мәлімдеді.
БҰҰ БАЯНДАМАСЫ
Еске сала кетсек, БҰҰ-ның Адам құқықтары жөніндегі кеңесі (HRC) жанынан бұрын құрылған тәуелсіз халықаралық комиссия 2023 жылдың 7 қазанынан бері қақтығыстар кезінде жасалған адам өлімі мен зорлық-зомбылық үшін Израиль мен палестиналық Хамас тобының мүшелері жауапты деп танылған баяндамасын ұсынған.
24 мамырда Халықаралық сот Рафахтағы қақтығыстарды дереу тоқтатуға және геноцид туралы мәлімдемелерді тексеруге кедергісіз рұқсат беруге бұйрық берді.
