Бұрынғы депутат Асқар Садықовтың қызы, Dequine атымен белгілі әнші Дәнел Садықова әкесінің айналасындағы дау-дамайға байланысты үн қатты, деп хабарлайды Ulysmedia.kz.
– Кейінгі күндері көп жаңалық болып кетті, істің беті қайда бара жатқанын өздеріңіз де көріп отырсыздар. Менің әкем Асқар Садықовты жұмыс орнында харрасмент жасады деп қатты айыптады. Сіздер сияқты өзім де таңғалып отырмын. Шынымды айтсам, мен не айтарымды білмеймін. Мен не істеу керектігін, кімге сеніп, мұндай жағдайда қалай әрекет ету керектігін білмеймін. Өмір мені бұған дайындаған жоқ. Харассменттің ауыр қоғамға жария жағдайынан өткен адам үшін болып жатқан оқиға – бұл үлкен стрес, - деді ол.
Әнші бұл жағдайдың бәрі өз өміріндегі екі негізгі құндылыққа қатты әсер еткенін айтты: оның бірі отбасы және әйелдердің қол сұғылмаушылық құқықтары.
– Мен бірнеше жыл бұрын зорлық-зомбылықтың барлық түріне қарсы шыққанымды және қазір де сол принциптерге адал екенімді түсіндіргім келеді. Мен зорлық-зомбылықтың кез-келген көрінісін айыптаймын. Осы қиын кезеңде мені қолдаған жанашыр адамдарға рахмет. Сіздердің қолдауларыңызға баға жетпейді, – деп қорытындылады ол.
Еске салсақ, өткен аптада Орталық сайлау комиссиясы «Ақ жол» демпартиясының ұсынымы бойынша Мәжіліс депутаты Асқар Садықовты депутаттық мандатынан айырған болатын.
Оқи отырыңыз: Парламенттен әйелге қырындағаны үшін кеткен депутат танымал әншінің әкесі болып шықты
Кейін "Ақжол" партиясының төрағасы Азат Перуашев партияласы Асқар Садықовтың Парламенттен кету себебі жөнінде әлеуметтік желіге жазба қалдырды.
– Партиямыздың атына А.Садықовқа қатысты бірқатар шағымдар түсті, онда айтылған жәйттар пленумда қаралып, тиісті шешім шығарылды. Шағымдардың дені оның теріс іс-әрекеттеріне, атап айтқанда, өкілеттігін асыра пайдалану мен этикалық нормаларды бұзуына байланысты болды. Шағымдардың әрқайсысы бойынша жеке-жеке фактілер келтіруге болатын болса да, бір ғана мысалды атап өту жеткілікті деп ойлаймын, – деді ол.
Асқар Садықов туралы не белгілі
Асқар Садықов кәсіби қызметін 1992 жылы Орынбор монтаж зауытының СМУ-1 трестінде монтажшы ретінде бастаған. Мансабы "Қазақойл Ақтөбе" ЖШС-де жұмыс істеген мұнай-газ секторында өсті. Содан кейін мансабы көтеріліп, "Әсел-Қазақстан" ЖШС байқау кеңесінің төрағасы болды және "Атамекен одағы" ұлттық экономикалық палатасын басқарды.
Саяси мансап
Садықов саяси аренаға 2013 жылы "Ақ жол" фракциясының мүшесі болып, партияның Ақтөбе облыстық филиалының төрағасы қызметін атқарған кезде кірді. Партия қатарында 10 жылдан бері жүр. 2014 жылдан 2023 жылға дейін өз сайлаушыларының мүддесін білдіретін Ақтөбе облыстық мәслихатының депутаты болып үш рет сайланған.
Несімен есте қалды
2023 жылы наурызда Асқар Садықов VIII шақырылым Мәжілісінің депутаты болып сайланды. Заңнама және сот-құқықтық реформа комитетінің мүшесі болды. Ол өз рөлін әртүрлі тақырыптар бойынша депутаттық сауалдарды айтып, белсенді көрінген. Ең көп талқыланғандардың бірі – оның Air Astana ұлттық авиатасымалдаушысына қатысты сауалы. Садықов авиакомпанияны Қазақстанның экономикалық мүдделеріне қайшы деп санап, Ирландияда ұшақтарды тіркегені үшін сынға алды. Ол сондай-ақ FlyArystan-ды жеке компания ретінде бөліп, екі авиакомпанияны да Қазақстанның салық юрисдикциясына қайтаруды талап етті.
Сондай-ақ депутат лауазымында ол "Ескі Қазақстан" өкілдерінің елдегі алкоголь өндірісін "жауып жатқанын" айтқаны бар.
