Энергетика министрлігінің ресми мәліметіне сүйенсек, өткен жылғы қорытынды бойынша еліміздегі газ тартылу деңгейі 60 пайызды құрады, деп хабарлайды Ulysmedia.kz.
Яғни бүгінде 12 миллион адам газға қол жеткізген болса, 8 миллионға жуық адам әлі табиғи газдың қызығын көре алмай келеді.
«17 облыс пен қалаларда әртүрлі деңгейде газ қосылған. 3 облыс, яғни Павлодар, Солтүстік Қазақстан, Абай облыстарына газ тартылмаған», деп жазылған министрлік ақпаратында.
Алматы, Шымкент қалалары, Маңғыстау, Атырау, Батыс Қазақстан, Ақтөбе, Жамбыл облыстары салыстырмалы түрде газбен жоғары деңгейде қамтылған, яғни 90%-дан асқан.
Мәселе Ақмола, Шығыс Қазақстан, Қарағанды, Ұлытау облыстарында күрделі күйінде қалып отыр.
