Ресейдің КВН ресми сайтының жазуынша, Александр Васильевич Масляков 8 қыркүйек күні қайтыс болды, деп хабарлайды Ulysmedia.kz.
Ол 1964 жылдан бастап «КВН» бағдарламасын жүргізіп, көптеген марапатқа ие болды, Ресейде және одан тыс жерлерде әзіл мен сатираның символына айналды.
Александр Васильевич көптеген марапаттарға ие болды, «Отанға сіңірген еңбегі үшін» орденінің толық кавалері және «АМиК» шығармашылық бірлестігінің негізін қалаушы болды. Оның отандық ойын-сауық теледидарының дамуына қосқан үлесі зор. Александр Васильевич Масляков мәңгілік жадымызда, - делінген хабарламада.
