Су тасқыны: премьер Бектенов Тоқаевқа есеп берді

Толығырақ

Олжас Бектенов Қазақстанның әлеуметтік-экономикалық жағдайы, егін орағы және су тасқынынан зардап шеккен өңірлердегі тұрғын үйлерді қалпына келтіру жұмыстары туралы баяндады. Оның сөзінше:

• биыл өңдеу өнеркәсібі және құрылыс саласы экономикалық дамудың негізгі факторына айналған;
• Ауыл шаруашылығында да айтарлықтай өсім бар. Еліміздегі негізгі дәнді дақылдар алқабының 4,5 миллион гектарға жуығы немесе 27 пайызы жиналған;
• орта есеппен бір гектардан 15 центнер өнім алынып отыр. Шамамен 6,6 миллион тонна астық бастырылды. Бұл былтырғы көрсеткіштен 40 пайызға артық;
• шаруашылықтарға арзандатылған дизель отынын жеткізу кестеге сай жүргізіліп жатыр.

су тасқынынан зардап шеккен тұрғындарды баспанамен қамту жөнінде мәлімет берілген:

• бүгінге дейін 7 463 отбасы жаңа қонысқа көшті;
• 479 баспананың құрылысы аяқталуға жақын. Сонымен қатар 9 171 отбасына жөндеу жұмыстары үшін өтемақы төленген.

ТОҚАЕВТЫҢ ТАПСЫРМАСЫ

Кездесу соңында Мемлекет басшысы жүргізіліп жатқан жұмыстың маңызын атап өтіп, елімізді одан әрі әлеуметтік-экономикалық тұрғыдан дамытуға қатысты бірқатар тапсырма берді.