Қаржылық мониторинг агенттігі Павлодар облысының мектепке дейінгі мекемелерінде әлеуметтік маңызы бар азық-түліктер бағасын негізсіз қымбаттату фактілерінің жолын кескенін мәлімдеді. Жүргізілген мониторинг барысында жеке компания өңірдегі 158 мектепке дейінгі мекеменің 108-нің негізгі жеткізуші болғаны анықталған, деп хабарлайды Ulysmedia.kz.
Жеке компания бала-бақшалармен жасалған шарттарда өндіруші зауытынан алған бағадан кейде 286%-ға дейін айырмашылық байқалған.
Атап айтқанда:
күнбағыс майы – 286% үстемақымен (453 тг/л-ден 1300 тг/л дейін),
қарақұмық жармасы – 150% (240 тг/кг-нан 600 тг/кг дейін),
қант – 93% (325 тг/кг-нан 630 тг/кг дейін),
тауық жұмыртқасы – 79% (430 тг/онд-тан 770 тг/онд дейін),
тұз – 66% (60 тг/кг-нан 100 тг/кг дейін),
күріш – 36% (490 тг/кг-нан 670 тг/кг дейін),
сары май – 22% (2075 тг/кг-нан 2550 тг/кг дейін).
Агенттік қабылдаған шаралардың нәтижесінде жеке компания әкімшілік жауапкершілікке тартылғанын жеткізді
“Жеткізушімен жасалған шарттар күшін жойды. Қазіргі уақытта мектепке дейінгі мекемелерде ӘМАТ жеткізу шарттары қайта қаралып, жаңа келісім-шарттар жасасу мәселесі қаралуда. Осылайша үнемделген қаражат сомасы 30 млн теңгеден асты” делінген агенттік хабарламасында.
