Алматы облысында ілбіс (қар барысы) фототұзаққа түсіп қалды, деп хабарлайды Ulysmedia.kz.
Экология және табиғи ресурстар министрлігі жыртқыштар «Көлсай көлдері» мемлекеттік ұлттық табиғи паркінде байқалғанын айтты.
Қар барысы – ең сирек кездесетін ірі жыртқыштардың бірі. Бұл жануардың «қар барысы» деп аталуы бекер емес: ол таулы аймақтарда, жыл бойы қар басып жататын биік таулы аймақта өмір сүретін мысықтар тұқымдасының жалғыз өкілі.
Қазақстанда қар барысы 1978 жылы Қызыл кітапқа енгізілген.
Бұған дейін Тянь-Шаньның қоңыр аюлары ұлттық паркте фототұзаққа түскенін жазған едік.
