Жамбыл облысының прокуроры Шу ауданында құқық қорғау органдарының жұмысын тексерді

Ведомство баспасөз қызметінің мәліметінше, Бас прокурордың құқық бұзушылықтардың алдын алу жөніндегі тапсырмаларын орындау аясында облыс прокуроры Нұрғалым Әбдіров Шу ауданында құқық қорғау органдарының жұмысын тексерді. 

Прокуратураның ұсынысы бойынша әзірленген «Шу – қауіпсіз аудан» бағдарламасын жүзеге асыруға ерекше назар аударылды, бұл бағдарлама мәслихат депутаттары тарапынан қабылданған, онда мақсатты индикаторлар анықталған.

Мысалы, биылғы жылдың 9 айында аудан бойынша қылмыс деңгейі 13,3%-ға (оның ішінде ауыр қылмыстар 31,1%-ға, жеңіл қылмыстар 33,3%-ға) төмендеді, пробация есебінде тұрған азаматтардың 96%-ы жұмысқа орналастырылды, «Сергек» камераларын орнату басталып, оларды 147 көшелік бақылау камераларымен интеграциялау жүргізілуде.

Дегенмен, облыс прокуроры Полиция департаментінің есірткі қылмыстарына қарсы арнайы бөлімшесінің жұмысын теріс бағалады, есірткілерді, әсіресе, синтетиканы сататын тұлғаларды әшкерелеудегі жеткіліксіз тиімділігін атап өтті, – делінген хабарламада.

Сонымен қатар кәмелетке толмағандар арасында құқық бұзушылықтардың алдын алу бойынша жұмыстардың жеткіліксіздігіне назар аударылды және прокуратура бастамасымен мектептер мен колледждерде өткізілетін факультативтік сабақтар қолдау тапты, оның ішінде балалардың суицидін насихаттайтын теріс контентті анықтауға екпін жасау тапсырылды.

Жыл сайын есірткі қылмыстары анықталатын, жабайы қарасораның едәуір мөлшері өсетін Тасөткел ауылдық округінің тұрғындарымен кездесу өтті. 

Тұрғындар жергілікті атқарушы және құқық қорғау органдарының жабайы каннабисті жою жөніндегі бірлескен күш-жігерін қолдады. 

Ағымдағы жылы прокуратураның үйлестіруімен 480 тонна жабайы қарасора жойылды, бұл олардың одан әрі таралуын төмендетуге ықпал етті. 

Облыс прокуроры құқық бұзушылықтарға нөлдік төзімділік көрсетуге шақырып, құқық қорғау органдарынан «Заң және тәртіп» идеологиясын нығайту бойынша тиімді шаралар қабылдауды талап етті.