Астанада ауа райының нашарлауына байланысты қала маңына қатынайтын бірқатар автобустың қозғалысы уақытша тоқтатылды, деп хабарлайды Ulysmedia.kz.
Бұл туралы «City Transportation Systems» ЖШС баспасөз қызметі мәлімдеді.
№ 59, 315, 316, 317, 327, 329 қала маңына қатынайтын бағдарлардың қозғалысы ауа-райының нашарлауына байланысты уақытша тоқтатылды. Аталған нөмірлі автобус бағдарларынан басқа қала маңына қатынайтын бағдарлар линияда, – делінген хабарламада.
Еске сала кетейік, Ішкі істер министрлігі ауа райының нашарлауына байланысты жолаушыларға үндеу жасаған еді.
