Палестина аумағындағы әскери қимылдар экономиканы үлкен шығынға ұшыратты, бұл шығын қазірдің өзінде 14 миллиардтан 20 миллиард долларға дейін бағаланып отыр, деп хабарлайды Ulysmedia.kz.
ЖАҺАНДЫҚ ЭКОНОМИКАҒА ӘСЕР ЕТУІ МҮМКІН
Бұл туралы Дүниежүзілік банктың президенті Аджай Банга “Reuters” агенттігіне берген сұхбатында мәлімдеді. Банганың айтуынша, экономикалық шығынның көлемі қақтығыстың одан әрі қалай дамитынына және оның Палестинадан тыс аумақтарға таралуына тікелей байланысты.
“Егер қақтығыс Газа секторы мен Палестина шегінде қалса, оның жаһандық экономикаға әсері салыстырмалы түрде шектеулі болады”, – деді Дүниежүзілік банк президенті.
Дегенмен, егер соғыс шиеленісіп, басқа аймақтарға таралса, оның жаһандық экономикаға, әсіресе пайдалы қазбалар мен мұнай өндірудің маңызы тұрғысынан, әлдеқайда ауыр зардаптары болуы мүмкін екенін айтты.
Қақтығыстың салдары халықаралық аренада да талқыланып жатыр. Палестина мемлекетінің премьер-министрі Мұхаммед Мұстафа The Washington Post газетіне жазған мақаласында Газа секторының жағдайы бейбіт тұрғындардың өлімі мен қирату тұрғысынан бұрын-соңды болмаған деңгейге жеткенін айтты. Оның пікірінше, аймақты қалпына келтіру үшін халықаралық ауқымды көмек пен үйлестірілген әрекет қажет.
Сарапшылардың пікірінше, егер қақтығыс жақын арада тоқтамаса, оның әлемдік экономикаға, әсіресе жаһандық жеткізу тізбегі мен энергетика секторына әсері одан да ауыр болуы мүмкін.
