Кәмелетке толмағандарды тасымалдау кезіндегі қауіпсіздікті қамтамасыз ететін арнайы алгоритмді Балалардың құқықтарын қорғау комитеті жариялады, деп хабарлайды Ulysmedia.kz.
АЛГОРИТМ ӘЗІРЛЕНГЕН
Құжатта мектеп директорларының міндеттері, тасымалдау алгоритмі және жүргізушілерге қойылатын талаптар көрсетілген.
ӘРКІМНІҢ ӨЗ МІНДЕТІ БАР
Жолға шығар алдында тізім бойынша тексеру жүргізілуі керек. Сонымен қатар, оқушыларды медициналық қызметкер алып жүруі қажет.
«12 жасқа дейінгі балаларды арнайы ұстайтын құрылғылармен немесе балаларды қауіпсіздік белдіктерімен бекітуге мүмкіндік беретін басқа құралдармен ғана тасымалдауға болады», — делінген ережеде.
САПАР ТӨРТ САҒАТТАН АСПАУЫ КЕРЕК
Сапардың ұзақтығы төрт сағаттан аспауы тиіс. Сонымен бірге, 7 жастан асқан балаларды ғана тасымалдауға рұқсат етіледі.
Жүргізушіге қатысты, ол жылдамдықты 60 км/сағ дейін шектеуге және қатаң түрде бағытты сақтауға міндетті. Артық жүк тасымалдауға және автобустың салонында балалар болған кезде оны тастап кетуге, сондай-ақ отырғызу мен түсіру кезінде орынсыз жүруге тыйым салынады. Жүргізушінің жасы кемінде 25 болуы, ал жұмыс өтілі бес жылдан кем болмауы қажет
Балаларды автобуспен тасымалдауға 22:00-ден 6:00-ге дейін рұқсат етілмейді, ал көріну нашар кезде – тұман, қарлы боран, жаңбыр жағдайында жол жүруге болмайды.
