Бәсекелестікті қорғау және дамыту агенттігі жанар-жағармай бағасына қойылған шектеуін алып тастауды жоспарлап отыр, деп хабарлайды Ulysmedia.kz.
ШЕШІМ ҚАБЫЛДАНДЫ
Бұл туралы Астанада өткен дөңгелек үстел барысында АЗРК төрағасы Марат Омаров айтты.
Ол атап өткендей, Орталық Азия аймағындағы теңгерімсіздік пен бағаның арзандығынан Қазақстаннан басқа елдерге жанар-жағармай тасымалдау жағдайлары көбейген.
Баға шектеулерін жою туралы шешім қабылданды. Алайда бұл мәселені негізгі ойыншылар қарастыруы керек. Бұған дейін "Petrosun" ЖШС нарықтың 50%-ға жуығын бақылаған, бірақ ол бізге "ҚазМұнайГаз" құрылымының активтері ретінде қайтарылды. Қазір жанар-жағармай нарығының 80 пайызы мемлекет бақылауында. Маңызды кезең жанар-жағармайдың шекті бағасын реттеу болып табылады, – деді М.Омаров.
БАҒАНЫ БАҚЫЛАУДАН БАС ТАРТЫЛАДЫ
АЗРК төрағасы монополияға қарсы заңнаманы бұзбау бойынша ірі желілермен жұмыс істеу тетігі әзірленіп жатқанын айтты.
Бірте-бірте бағаны қатаң бақылаудан бас тартуымыз керек, – деді ол.
Еске салсақ, Павлодарда жанармай құю стансасы өртеніп кеткен болатын. Сондай-ақ қырғыз көліктері Қазақстаннан заңсыз жанармай әкетіп жатқанын жазған едік.
