Қазақстандықтар арасында мерзімі өтіп кеткен жүргізуші куәлігін қалпына келтіру үшін жол қозғалысы ережелері емтиханын қайта тапсыру керек деген пікір бар, деп хабарлайды Ulysmedia.kz.
ҚАЖЕТТІ ҚҰЖАТТАР
Бұл солай ма және қандай құжаттарды дайындау керек?
Арнайы қызмет көрсету орталығына барып, жүргізуші куәлігін қайта ресімдеуге қажетті құжаттар тізімін аласыз.
Ең алдымен медициналық анықтама аласыз. Мұны тек ақылы түрде жасауға болады, ал міндетті медициналық сақтандыру тізімінде мамандардың (офтальмолог, отоларинголог, психиатр, нарколог) қызметтері жоқ.
Аурухананың қабылдауында баруға қажетті мамандардың тізімі жазылған анықтама беріледі.
Қалалық Психикалық денсаулық орталығында нарколог пен психиатрдың қарауынан өтуіңіз керек. Онда азаматтар міндетті түрде мамандардың тексеруінен өтіп қана қоймай, ағзасында есірткі заттарының бар-жоғын көрсететін сараптамалардан өтеді.
Анықтаманың құны 12300 теңге (алғашқы екі маманға 8000, психолог пен наркологқа 4300).
Анықтаманы алған соң арнайы қызмет көрсету орталығына баруға болады.
КУӘЛІК МЕРЗІМІ
«Азаматтарға арналған үкімет» мемлекеттік мекемесінің баспасөз қызметі «Жол ережесі туралы» заңның 73 және 74-баптарына сәйкес жүргізуші куәлігі он жыл мерзімге берілетінін айтты. Осы мерзім өткеннен кейін көлік құралын басқару құқығы тоқтатылады.
Белгілі болғандай, жүргізуші куәлігін жарамдылық мерзімі өткеннен кейін ауыстыру кезінде әкімшілік жауапкершілік жоқ және емтихан талап етілмейді.
Осы Қағидаларға сәйкес мемлекеттік қызмет көрсету үшін құжаттар Мемлекеттік корпорация филиалдары, «электрондық үкімет» порталы, сондай-ақ банктік өтінімдер арқылы қабылданады. Мемлекеттік корпорация арқылы қызмет көрсету мерзімі – 120 минут, «электрондық үкімет» порталы және банктік өтінімдер арқылы – 60 минут, – дейді «Азаматтарға арналған үкімет» АҚ мамандары.
