Батыс Қазақстан облысында (БҚО) ақбөкен саны 1,6 миллионға жетті. Олардың бір бөлігін Ресейге жөнелту жоспарланып отыр. Осыған байланысты Қазақстан-Ресей шекарасы бойында экодәліздер құрылады, деп хабарлайды Ulysmedia.kz.
ТОЛЫҒЫРАҚ
Мgorod.kz деректері бойынша, облыста ақбөкен саны жыл сайын артып келеді. 2024 жылы олардың саны 1 620 000 құраған. Жайылымдарға, егістіктерге және шабындықтарға киік саны теріс әсер ете бастаған. Бұл туралы БҚО орман шаруашылығы және жануарлар дүниесі аумақтық инспекциясының бастығы Нұрлан Рахымжанов мәлімдеді.
– Тамыз айында экология министрі Жан Нысанбаевтың Жәнібек ауданындағы Ресейден келген делегациямен кездескен кезде шекара бойында экодәліздер құру туралы уағдаласты. Егер жоба жүзеге асырылса, ақбөкеннің бір бөлігі көрші елге көшіріледі, — деді ол.
Аймақтың мемлекеттік орман қоры 225 267 гектарды құрайды. Оның 90 227 гектары орманмен жабылған. БҚО-да 12 ерекше қорғалатын табиғи аумақ бар, оның ішінде 5 ұлттық және 7 жергілікті жер.
ПОПУЛЯЦИЯ
Батыс Қазақстанда бұған дейін мессенджерлерде таратылып жатқан ақбөкендердің бейнероликтері жаға ұстатқан еді. Кадрларда кейбір жануарлардың өліп қалғанын, ал басқалары әлі тірі, жерде өлімсіреп жатқанын көруге болады. Осыған байланысты ауыл тұрғындары эпидемияның қайталанып, ақбөкендердің жаппай тағы қырыла ма деп қорыққан.
