ҰҚШҰ Бас хатшысы Иманғали Тасмағамбетов Мәскеуде ТМД-ға мүше елдердің қауіпсіздік кеңестері хатшыларының 12-ші отырысына қатысты, деп хабарлайды Ulysmedia.kz ұйымның баспасөз қызметіне сілтеме жасап.
Тасмағамбетов өз сөзінде Ұйым периметрі бойынша да, жалпы әлемдегі қауіптер туралы тізіп айтты:
Батыс Еуропа аумағында “алыс қашықтықтағы” қаруды орналастыру туралы қабылданған америкалық-германдық шешім құрлықта және тұтастай алғанда әлемде ядролық-зымырандық қаруланудың қайта жандану қаупін тудырды.
Беларусь пен Ресей Федерациясының шекараларында НАТО қарулы күштері мен ақпараттық соғыс орталықтарының шоғырлануы жалғасуда. Финляндия мен Швеция Солтүстік Атлантикалық альянсқа қосылғаннан кейін стратегиялық жағдай нашарлады.
Ресеймен қарулы қақтығысты жалғастыру үшін Украинаға экономикалық, қаржылық және әскери қолдау артуда. Үлкен аумақтарда, соның ішінде ұрыс аймағынан тыс жерлерде апатты салдарға әкелетін атом электр станцияларындағы төтенше оқиғалардың қаупі бірнеше есе артты.
Жасанды интеллектті әскери мақсатта пайдаланудың қарқынды дамуы, өлімге әкелетін автономды қару жүйелерінің (LAWS) жаппай өндірісі және оларды пайдалануды нақты реттеудің жоқтығы сияқты халықаралық тұрақтылыққа қатысты мәселелер күшейе түсуде.
Тасмағамбетов ҰҚШҰ ұйымға мүше мемлекеттердің қауіпсіздігін қамтамасыз ету бойынша шаралар қабылдап жатқанына сендірді.
Еске салсақ, бұған дейін Арменияның премьер-министрі Никол Пашинян ҰҚШҰ ел егемендігіне қауіп төндіріп тұр деп мәлімдеген еді.
