Қытайлық PEG электромобиль өндірушісі компаниясы Land Aircraft Carrier атты ұшатын көлігін алғаш рет әуеде ұшырып көрсетті, деп хабарлайды Ulysmedia.kz.
Қытайдың 15-ші халықаралық аэроғарыш салонында алғаш рет көлік көкке көтерілді. Ұшатын көлік төмен биіктікте жылдамдықты үдетіп, спиральды түрде көтеріліп, біркелкі жылдамдықты төмендетіп, дәл қону пәрменін орындады. Бүкіл процес автопилотта өтті.
Қазір Қытайда ұшатын автомобильдер шығаратын зияткерлік базаның құрылысы жүргізіліп жатыр. Ол жоспарға сай 2025 жылдың үшінші тоқсанында аяқталады. Жаңа автокөлік құралдарын шығарудың жылдық көлемі 10 мың бірлікті құрайды деп болжануда. Оларды жаппай өндіру және тұтынушыларға жеткізу 2026 жылы басталады.
Автокөліктің өзі кәдімгі жолмен де жүре алады. Ұзындығы 5,5 метр, ені 2 метр және биіктігі 2 метр үлкен көліктің ішінен ұшатын нұсқасы сыйып кетеді. Үлкен үш осьті көлік құралы "блокты" дене пішіні бар өте минималистік стилге, шатыр сызығына өте тегіс өтетін арнайы алдыңғы тірекке ие. Автокөліктің есік тұтқалары біркелкі. Бүйір айналары жоқ – олардың рөлін "ақылды" камера жүйесі атқарып, суретті салондағы экранға шығарады.
Ұшатын көлік бір дегенде 1 мың шақырымды бағындыра алады. 30 пайыздан 80 пайызға дейінгі қуаттты 18 минуттың ішінде жинайды. Қазірдің өзінде оған алдын ала тапсырыс берушілер мыңдап саналады. Бағасы 280 мың доллардан басталады.
