Қазақстан банктері онлайн-кредиттер беру кезінде бір реттік кодтарды міндетті түрде жіберуді енгізуді ұсынады, деп хабарлайды Ulysmedia.kz.
Бұл туралы қаржы нарығын реттеу және дамыту агенттігінің Ашық НҚА порталында талқылау үшін орналастырылған қаулысының жобасында жазылған.
Құжатқа сәйкес, банктер мобильді қосымшаларға алаяқтық туралы шағым беру функциясын енгізуге міндеттеледі. Жоба сонымен қатар, банктердің антифрод жүйелеріндегі күдікті операцияларды қоса алғанда, алаяқтық әрекеттер туралы мәліметтер базасын жүргізетін арнайы бөлімше құруды ұсынады. Ақпарат Ұлттық банктің антифрод-орталығына беріледі.
Жоба шеңберінде сондай-ақ "тамшы" ұғымы енгізіледі. Осындай тұлғаларға қызметтерді қашықтан ұсынуды тоқтата тұру және қайта бастау тәртібі реттеледі.
Жобаны көпшілік талқылауы 26 қарашаға дейін жалғасады.
АЛАЯҚТАРДАН ҚОРҒАУ
Бұған дейін қаржы нарығын дамыту және реттеу агенттігінің төрағасы Мәдина Әбілқасымова Қазақстанда алаяқтардан қорғау үшін кредиттер беру процесінде "салқындату" кезеңі енгізілетінін айтқан болатын. Сондай-ақ алаяқтық несиелерді есептен шығару үшін негіздерді кеңейтуді жоспарлап отыр.
