ОР29 Дүниежүзілік климат саммиті аясында президент Қасым-Жомарт Тоқаев Молдова президенті Майя Сандумен кездесу өткізді, деп хабарлайды Ulysmedia.kz.
Ақорда мәліметінше, мемлекет басшылары екі ел арасындағы дәстүрлі достық қарым-қатынастарды, ең алдымен, сауда-экономикалық және мәдени-гуманитарлық салалардағы ынтымақтастықты кеңейтудің мүмкіндіктерін талқылаған.
Кездесуде Майя Санду келесі жылы Астанада Молдова елшілігінің ашылуы елдер арасындағы ықпалдастықты дамытуға септігін тигізетініне сенім білдірді.
Сондай-ақ президенттер екіжақты жоғары деңгейдегі сапарлар ұйымдастыруға уағдаласты.
Еске салсақ, бұған дейін Қасым-Жомарт Тоқаев Климаттың өзгеруі жөніндегі БҰҰ конференциясы аясында өтетін Дүниежүзілік климат саммитіне қатыcу үшін Бакуге жұмыс сапарымен барғанын хабарлаған едік.
