"Спутник-V" вакцинасын өндіретін Қарағанды фармацевтикалық кешені 22 мың вакцина үшін негізсіз аударылған 105 млн теңгені мемлекет меншігіне қайтарды. Зауыттың тең иесі – олигарх Қайрат Боранбаев, деп хабарлайды Ulysmedia.kz.
105 МЛН ТЕҢГЕ АВАНС
Антикордың ресми өкілі Данияр Бекайдаровтың айтуынша, фармацевтикалық кешендердің бірі мемлекетке коронавирус инфекциясына қарсы вакцинаның екінші компонентінің 22 мың дозасы үшін 105 млн теңге алдын ала ақы алған. Осы соманың негізсіз аударылғаны анықталған. Әңгіме Қарағанды фармацевтикалық кешені жайлы болып отыр.
– Кімдікі (зауыт - авт.) екенін білмеймін. Айта алмаймын. Олар "Спутник-V" вакцинасының екінші компонентін сатып алған. Бірінші компонент сатып алынбағандықтан, екінші компонент те пайдаға жарамаған. Сондықтан 105 млн теңге мемлекетке қайтарылды. Бұл пандемия кезінде болған жағдай, - дейді Данияр Бекайдаров.
2022 жылдың 18 наурызында бұрынғы денсаулық сақтау министрі Ажар Ғиният ОКҚ брифингінде "Спутник-V" вакцинасын шығаратын Қарағанды фармкешенін сөзінде атап өткен еді. Брифингтен бір күн бұрын зауыттың тең иесі – олигарх Қайрат Боранбаев квазимемлекеттік секторда аса ірі көлемде қаражат ұрлау ісі бойынша қамауға алынған.
– Осы компаниямен шартта жасалған шарт міндеттемелер толық орындалды. Бізде бұл компаниямен қосымша шарттық міндеттемелер жоқ, – деді сол кезде Ажар Ғиният.
БОРАНБАЕВТЫҢ ІСІ
2023 жылдың 15 қыркүйегінде Астана қалалық сотының апелляциялық сот алқасы кәсіпкер Қайрат Боранбаевқа қатысты «ҚазТрансГаз» АҚ жымқыру және ақшаны жылыстату ісі бойынша үкім шығарды. Ол мүлкі тәркіленіп, президентке оны мемлекеттік наградаларынан айыру туралы ұсыныспен және өмір бойына мемлекеттік қызметте қызмет атқаруға тыйым сала отырып алты жылға бас бостандығынан айырылды.
Қайрат Боранбаев 14,5 млрд теңге көлемінде материалдық шығынды өтеп берді. Сондай-ақ Боранбаевтың компаниялары Білім беру инфрақұрылымын қолдау қорына 66 миллион доллардан астам қаржы аударғаны белгілі болды.
2023 жылдың 16 қазаны мен 18 қазаны аралығында Қаржы мониторингі агенттігі Боранбаевтың мүлкінің мемлекетке өткені туралы хабарлады.Олардың ішінде құны 1,4 миллиард теңгеден асатын «Comfort Hotel Astana» қонақ үй кешені, кеңсе бөлмелері, сауда-ойын-сауық кешені, спорттық-сауықтыру жүйесі, «Қаражанбас Северный» кен орны, «Азия Газ Чунджа» газ таратушы компаниясы, сондай-ақ «Азия Газ Чунджа» газ таратушы зауыты бар. «KazTurboRemont Service Center» ЖШС мұнай-газ жабдықтарын өндіру және жөндеу. 2023 жылғы 20 қазанда Ақмола облысы Зеренді аудандық соты Боранбаевтың жазасын бас бостандығын шектеуге ауыстырғаны белгілі болды.
Көп өтпей Боранбаевтың өзі бостандыққа шықты.
