Ұлттық валюта күні мен қаржыгерлердің кәсіби мерекесіне орай, Yandex Qazaqstan Яндекс іздеу жүйесінен қазақстандықтар көбінесе нені сұрайтынын зерттеп көріп, нәтижесін жариялады. Сұраныстар сұрақ шкаласымен, қойылатын жиілігімен есептелген, деп хабарлайды Ulysmedia.kz.
ҚАЗАҚСТАНДЫҚТАР КӨБІНЕСЕ ҚАНДАЙ СҰРАҚ ҚОЯДЫ
Қазақстандықтар көбінесе ақша жайлы сұрайды екен. Оны қалай табуға немесе қайдан алуға болатынына қызығады. Кейбір сауалдың практикалық сипаты бар. Мәселен, ел тұрғындары Бірыңғай жинақтаушы зейнетақы қорынан қаражатты қалай алуға болатынын, оларды қайда салу керектігін және қолма-қол ақшаны қалай дұрыс жұмсау керектігін білгісі келеді. Сұраулардың тағы бір танымал түрі – жалпы білім беру сұрақтары: әлемде және Қазақстанда қанша ақша бар, оларды кім ойлап тапты және оны неден жасайды.
ҚАНДАЙ ВАЛЮТАҒА ҚЫЗЫҒАДЫ
Қазақстандықтар Яндекс іздеуден рубль бағамы жөнінде ақпарат іздейді. Екінші орында – доллар, үшінші орында – юань. Сондай-ақ, валюта жөнінде сұраныстың ТОП-5 ішінде Өзбекстанның сомы және биткоин бар.
ҚАНДАЙ МАМАНДАР МЕН ЖҰЛДЫЗДАРДЫҢ АЙЛЫҒЫ БІЛГІСІ КЕЛЕДІ
Қазақстандықтар Яндексті іздеуде белгілі бір мамандардың жалақысына байланысты сұрақты жиі қояды. Көбінесе олар тіс дәрігерлерінің қанша алатынына қызығушылық танытады. Сонымен қатар, ТОП-3-ке мұғалімдер мен стюардессалардың жалақысы туралы сұраныстар енген.
Ел тұрғындары нақты адамдардың, мысалы, блогерлер мен спортшылардың табысын да сұрайды. Ең үлкен іздеу – MrBeast-тің (танымал блогер) табысы. Сондай-ақ, қазақстандықтар аралас жекпе-жек жауынгері Шавкат Рахмоновтың және белгілі футболшы Лионель Мессидің, Килиан Мбаппенің жалақысын білгісі келеді. Үздік 5 америкалық рэпер және 50 Cent-тің табысына қызығатындар баршылық.
НЕ САТЫП АЛҒЫСЫ КЕЛЕДІ
"Сатып алу" сөзімен іздеуге арналған танымал сұраудың рейтингіне елеусіз және едәуір қымбат сауда-сұраныстары кіреді. Көбінесе қазақстандықтар теміржол және әуе билетін, сондай-ақ пәтер сатып алғысы келеді. Яндекс іздеуден көлік, лотерея билеті, ноутбук және кино билетін де іздейтіндер бар.
ҚАНДАЙ ТАУАРЛАР МЕН ҚЫЗМЕТТЕРГЕ ҚЫЗЫҒАДЫ
Қазақстан тұрғындарын көбінесе паспортты ресімдеу қанша тұратыны қызықтырады. iPhone бағасын да білгісі келетіндер көп. Бір грамм алтын, Lada және ақылды динамиктің құнын да сұрайтындар жетерлік.
Ең қымбат көліктің бағасын сұрап жазғандар да бар. Ең қымбат валюта, метал, телефон және тіпті кофе туралы да сұрақтар кездеседі.
