Грузия астанасында наразылық білдірушілер мен полиция төртінші түн қатарынан қақтығысып, үкіметтің Еуропалық Одақпен келіссөздерді тоқтату туралы шешіміне жауап ретіндегі наразылықтар жаппай елге таралу белгілері байқала бастады, деп хабарлайды Ulysmedia.kz.
3,7 миллион тұрғыны бар елде бірнеше ай бойы «Грузин арманы» партиясы мен қарсыластары арасында шиленіс күшейіп, қарсыластар билік партиясын авторитарлық, антиеуропалық және проресейлик саясат жүргізуде деп айыптады. Дағдарыс бейсенбі күні үкіметтің ЕО-мен келіссөздерді төрт жылға тоқтататыны туралы хабарлағаннан кейін ушығып кетті
Golosameriki.com сайты мыңдаған проеуропалық демонстрант көзден жас ағызатын газ бен су атқыштарымен қаруланған полициямен қарсыласуға шықты. Жексенбі кешінде разылық білдірушілер Тбилисиде Руставели даңғылында қайта жиналып, полицияға фейерверктер лақтырды, ал полиция су атқыштарымен жауап берді.
«Шынымды айтсам, біздің үкімет халықтың тілегін естімейтіні өте шаршатады. Мен мұнда өте қарапайым себеппен келдім – өзімнің еуропалық болашағымды және елімнің демократиясын қорғау үшін», – деді наразылық білдіруші Николоз Мируашвили.
Грузия президенті Саломе Зурабишвили Конституциялық сотқа өткен айдағы сайлау нәтижелерін жою үшін қысым көрсетуге шақырды, ол бұл сайлауды «Грузин арманы» партиясы ұрлап алды деп санайды.
«АҚШ пен Грузия арасындағы стратегиялық серіктестіктің тоқтатылуы – бұл «Грузин арманы» партиисының антидемократиялық, антиеуропалық және антигрузиндік саясатының трагедиялық нәтижесі. Олар ұстанып отырған курс тек бір бағытқа – Ресейге қарай апаратыны қазір бұрынғыдан да айқын», – деп жезды Зурабишвили әлеуметтік желіде.
Демонстранттар елдің негізгі портына апаратын жолды бөгеді. Грузиялық БАҚ кемінде сегіз қала мен елді мекендерде наразылық болып жатқанын хабарлады. “Оппозиция формуласы” телеарнасы 20 000 тұрғыны бар Хашури қаласынан кадрлар көрсетті, онда адамдар билік партиясының кеңсесіне жұмыртқа лақтырып, партияның туын ғимараттан түсірді.
ЕО мен АҚШ Грузияның батыстық курсынан алыстап, Ресейдің ықпалына қайта оралуына алаңдап отыр. Өз кезегінде «Грузин арманы» партиясы елдің егемендігін сыртқы араласудан қорғау үшін әрекет етіп жатқанын мәлімдеді.
Елдің премьер-министрі Ираклий Кобахидзе парламент сайлауын өткізуден бас тартып, 29 желтоқсанда жаңа президенттің инаугурациясы күні Зурабишвилидің өкілеттілігін тоқтатуға міндетті болатынын атап өтті.
