«ЭкоПродукт» ауыл шаруашылығы кәсіпорны "Халықаралық кооперация және экспорт" ұлттық жобасының арқасында Қазақстанға 60 тонна қымыз өнімін жібереді. Бұл туралы Башқұртстанның ауыл шаруашылығы министрлігі мәлімдеді, деп хабарлайды Ulysmedia.kz.
Тиісті келісімге XX аймақаралық ынтымақтастық форумы аясында қол қойылған. Компания Қазақстаннан "Раяна" коммерциялық кәсіпорнымен жеткізуге келісімшарт жасасқан.
Башқұртстан – Ресейдегі жылқы саны бойынша көшбасшы аймақтардың қатарында. Республикада олардың саны 130 мыңға жуық. Сондықтан республика бие сүті мен одан өнім өндіруде үлкен әлеуетке ие.
Башқұртстан ауыл шаруашылығы министрі Ильшат Фазрахмановтың айтуынша, Ресей-Қазақстан форумының Іскерлік байланыстар биржасында 300-ден астам қатысушы тіркелген.
