АҚШ Орталық қолбасшылығы F/A-18 жойғыш ұшағы атып түсірілгенін және Қызыл теңізге құлағанын мәлімдеді, деп хабарлайды Ulysmedia.kz.
CBS News-тің хабарлауынша, АҚШ Йемендік хуситтердің позицияларына әуеден соққы жасаған кезде ұрыс ұшағы «достық оқпен» атып түсірілген. Бақытқа қарай, ұшқыштар дін аман. Екі ұшқыш та катапульт арқылы техникадан шығып үлгерген. Екеуі де табылды, тек біреуі болмашы жарақат алған.
Басылымның мәліметінше, USS Harry S. Truman авиатасымалдаушы кемені басқаратын соққы беру тобына кіретін USS Gettysburg зымырандық крейсері жойғыш ұшақтарға қателесіп оқ жаудырған.
