Ақпараттық қауіпсіздік комитетінің төрағасы Руслан Әбдіқалықов қазақстандықтардың ұшақ сапарына қатысты деректері желіге тарағанын растады, алайда бұл Ресей аумағында болғанын атап өтті. Осыған байланысты Қазақстанның Цифрлық даму министрлігі Роскомнадзордан ақпарат сұратқан, деп хабарлайды Ulysmedia.kz.
Әбдіқалықовтың айтуынша, жеке деректердің таралуы Ресей аумағында болған әрі Қазақстанның компаниялары бұған кінәлі емес.
– Олар бірдей жәбірленушілер. Біздің министрлік Роскомнадзорға қабылданған шараларды білу үшін хат жолдады. Ресей заңдары бойынша бұл қылмыс", - деді комитет басшысы.
EGov АРҚЫЛЫ ХАБАРЛАУ
Деректер бұзылғаннан кейін ақпараттық қауіпсіздік комитеті талдау жүргізген. Жақында Руслан Әбдіқалықов EGOV порталы арқылы азаматтарды ақпараттандыру іске қосылатынын атап өтеді.
– Құжаттың тегі, аты және нөмірі болды. Бірақ қиындық мынада: біздің елде билеттерді біздің елдің азаматтары емес, шетелдіктер сатып ала алады. Сондықтан бірден анықтау мүмкін емес. Біз бұл уақытты деректер базасын салыстыруға жұмсадық, қазақстандықтардың дерегін анықтағаннан кейін біз жеке базаға енгіземіз және хабардар етеміз. Егер қазақстандықтар шағым бергісі келсе, біз оны қарастырамыз, мүмкін біздің авиакомпаниялар да кінәлі болуы мүмкін, - деді ол.
ОҚИҒА ЖАЙЛЫ
Әлеуметтік желіде ресейлік "Сирена-Травел" авиабилеттерін брондау жүйесі бұзылғаннан кейін қазақстандықтардың дербес деректері ашық тарап кеткені жайлы ақпарат пайда болған еді.
Air Astana, SCAT, Qazaq Air және Bek Air әуе компанияларының 700 мың рейсі, сондай-ақ ресейлік авиакомпаниялар жасаған қазақстандықтардың халықаралық сапары жайлы мәліметтер бар деректер базасы таралған.
