Алдағы күндері Қазақстан бойынша жел күшейіп, көктайғақ болады

Солтүстік Атлантикалық циклон, ылғалды атлантикалық ауа массалары республиканың батыс, солтүстік-батыс және солтүстік аймақтарының ауа райына әсер етеді. Оның фронттық бөліктерінің әсерінен әртүрлі фазадағы жауын-шашын, қар, жаңбыр аралас қар және жаңбыр болады.

6 қаңтарға қарай ел аумағына суық ауа массасы тарай бастайды, салдарынан ауа температурасы төмендеп, қар жауады. Оңтүстік және оңтүстік-шығыс аймақтарында Оңтүстік Каспий циклонының фронттық бөліктерінің ықпалы сезіледі, сонымен қатар, жаңбыр және қар түрінде жауын-шашын күтіледі.

5-6 қаңтарда орталық және шығыс аймақтар жоғары қысым аймағының ықпалында болады, мұнда ауа райы жауын-шашынсыз болады деп болжанып отыр. Қазақстан бойынша желдің күшеюі, тұман, жаңбыр аралас қар және көктайғақ болады.

Қазақстанның басым бөлігінде ауа температурасының біртіндеп төмендеуі болжанады:

• Батыста түнде -12…-3°C, күндіз -8…-3°C.
• Солтүстік-батыста түнде -4…-15°C, күндіз -2…-12°C.
• Солтүстікте түнде және күндіз -2…-10°C.
• Орталықта түнде -5…-13°C, күндіз 0…-10°C.
• Шығыста түнде -10…-25°C, күндіз -5…-13°C.
• Оңтүстікте және оңтүстік-шығыста түнде негізінен 0…-10°C, таулы аудандарда -13…-20°C, күндіз -3…+8°C, таулы аймақтарда -3…-8°C.й б