Сауд Арабиясының қалаларын, соның ішінде қасиетті Мекке мен Мединені су басты, деп хабарлайды Ulysmedia.kz.
МӘН-ЖАЙ
Желіде тараған ақпаратқа сәйкес, Мекке, Медине және Жидда қалаларын су басты. Жауын Медине қаласында көп жауған.
Бұл қалаларда түсірілген видеолар әлеуметтік желілерде тарай бастады. Видеода жолдар мен адамдар жүретін алаңдарды жаңбырдың суы басып қалғанын көруге болады.
ҚЫЗЫЛ ДЕҢГЕЙ
Сауд Арабиясының метеорологиялық басқармасы су басқан қалаларда қауіптің қызыл деңгейін жариялады. Жидда әуежайы ауа райына байланысты жолаушылардан рейстерді тексеріп отыруды сұрады.
Еске сала кетейік, бұған дейін Испанияның Валенсия провинциясында қатты жауын-шашын салдарынан жаппай су тасқыны болған еді. Тасқын салдарынан 62 адам қаза тапты.
