Алматыда тарихи ҚБТУ ғимараты өртеніп жатыр, деп хабарлайды Ulysmedia.kz.
МӘН-ЖАЙ
Осы сәттерде Алматы қаласы Төле би көшесіндегі ғимараттардың бірінде өрт сөндірушілер өртті сөндіруде. Алдын ала мәліметтер бойынша, төртінші қабаттағы бөлмелердің бірінде төбесі жанған.
Өртті сөндіру жұмыстары жалғасып жатыр.
Барлығы 59 дамаға жуық жеке құрам және 16 бірлік ТЖД техникасы жұмылдырылды.
Газ-түтіннен қорғау қызметінің 4 буыны жұмыс істеп жатыр.
ТАРИХИ ҒИМАРАТ
Айта кетейік, ҚБТУ ғимараты — Алматы қаласындағы Астана алаңында орналасқан ғимарат. 1957 жылы салынған қаладағы тарихи және көрнекті ғимараттардың бірі.
Бұл ғимаратта 1991 жылы Қазақстан Республикасының Тәуелсіздігі туралы заң қабылданды. 1997 жылдан 2001 жылға дейін ғимарат Алматы облысы әкімінің резиденциясы қызметін атқарды. Осыдан кейін ғимарат Қазақстан-Британ техникалық университеті орналаспай тұрып бір жылдан аз уақыт бос тұрды. 2018 жылы ҚБТУ бас залы қайта жаңғыртылды.
