Израиль мен ХАМАС Газа секторындағы әскери қимылдарды тоқтату және Израильдің тұтқынға алынған адамдарын палестиналық тұтқындарға айырбастау жөнінде келісімге келді, деп хабарлайды Ulysmedia.kz.
Келісім Таяу Шығыста көп шығын мен күйзелістерге әкелген 15 айлық соғыстың аяқталғанын білдіреді. Газа денсаулық сақтау министрлігінің мәліметі бойынша, Израильмен соғыс кезінде бұл секторда 46000-нан астам адам қайтыс болған.
Тараптар арасындағы келісімдер Америка Құрама Штаттарының қолдауымен Мысыр пен Катардың делдалдарының қатысуымен өткен бірнеше айлық келіссөздерден кейін болды.
Қақтығыс 2023 жылдың 7 қазанындағы қайғылы оқиғалардан кейін күшейе түскен. ХАМАС содырлары Израиль қоныстарына басып кіріп, 1200 адамды, оның ішінде әскери және азаматтық адамдарды өлтіріп, 250-ден астам адамды кепілге алған. Бұл Израильді Газада "әскери операция" деп аталатын ауқымды операцияны бастауға итермеледі.
2024 жылдың 24 мамырында БҰҰ Халықаралық соты Рапақтағы әскери қимылдарды дереу тоқтату және геноцид туралы шағымдарды тергеуге кедергісіз қолжетімділікті қамтамасыз ету туралы шешім шығарды.
