Алматы облысының Жамбыл ауылында екі жол апаты болып, салдарынан көліктер газ құбырына соғылған. Жақын маңдағы ауылдар жылусыз қалды, деп хабарлайды Ulysmedia.kz.
МӘН-ЖАЙ
22 қаңтарда Жамбыл ауылындағы Керімбеков көшесінде екі жол апаты болған. Салдарынан диаметрі 219 мм орташа қысымды газ құбыры зақымданған.
- Осыған байланысты Жамбыл ауылының екі бөлігі, Ұлан ауылының бір бөлігі және 19 шақырымдағы 3 мың абонентке газ беру тоқтатылды. Оқиға орнында «АлматыГазСервисХолдинг» ЖШС мамандары жұмыс істеп жатыр. Қалпына келтіру жұмыстары жүргізілуде, дейді әкімдік өкілдері.
БҰҒАН ДЕЙІН
Еске салайық, бұған дейін Алматыда бүтін бір аудан газсыз қалған болатын.
Алматының Түрксіб ауданындағы кәріз құбырларын өз бетінше төсеу барысында бүлінген орташа қысымды жерасты газ құбыры коммуналдық қызметтің жедел іс-қимылының арқасында қалпына келтірілді. Ол «У Асимы» мекемесіне кәріз құбырларын өз бетінше тарту барысында зақымданған.
