Тоқаев кеңесшісін ауыстырды: Ақшолақовтың орнына Мырзағалиев келді

АҚШОЛАҚОВ КЕТТІ

- Мемлекет басшысының өкімімен Болат Оралұлы Ақшолақов Қазақстан Республикасы Президентінің кеңесшісі лауазымынан босатылды, делінген хабарламада. 

Айта кетейік, Ақшолақов 1971 жылы 9 сәуірде Гурьев қаласында (Атырау) дүниеге келген.Қазақ мемлекеттік басқару академиясын, есеп және экономикалық кибернетика факультетін, мұнай-газ өнеркәсібінің білім беру орталығын бітірген. Мамандығы — «Жер қойнауын пайдалануға арналған келісімшарттарды бағалау», «Мұнай өндіру экономикасы».

Еңбек жолын 1994 жылы Alem Bank Kazakhstan экономисі, бас экономисі болып бастаған. Ол түрлі қызмет атқарған. Соның ішінде кейінгі жылдары:

• 2021 жылғы сәуірден 2022 жылғы қаңтарға дейін — «Самұрық-Қазына» АҚ активтерді басқару жөніндегі басқарушы директоры.
• 2022 жылғы 11 қаңтарда Қазақстан Республикасының Президентінің Жарлығымен ҚР энергетика министрі болып тағайындалды.
• 2023 жылғы 4 сәуірде Мемлекет басшысының өкімімен Қазақстан Республикасы Президентінің кеңесшісі лауазымына тағайындалды.

МЫРЗАҒАЛИЕВ

Ақшолақовтың орнына Мағзұм Мырзағалиев келді. 

- Мемлекет басшысының өкімімен Мағзұм Маратұлы Мырзағалиев Қазақстан Республикасы Президентінің кеңесшісі лауазымына тағайындалды, делінген Ақорданың хабарламасында. 

Мағзұм Мырзағалиев 1978 жылы 7 қарашада Алматы қаласында туған. Білімі: «Тұран» университеті (1999) Экономист. Л. Н. Гумилев атындағы Еуразия ұлттық университетінің Дипломатиялық академиясы (2003) Халықаралық қатынастар саласындағы маман. Ш. Есенов атындағы Каспий мемлекеттік технологиялар және инжиниринг университеті (2010) мұнай-газ кен орнын өндіру. 

2001-2004 жылдары – «MI Drilling Fluids International» (Schlumberger) Теңіз және Батыс Сібір кен орындарында бұрғылау ерітіндісі жөніндегі инженер, АҚШ және Малайзияда тағылымдамадан өтіп бастаған. 

КЕЙІНГІ ЖЫЛДАРДАҒЫ ҚЫЗМЕТІ

2013 – 2014 жылдары – ҚР Мұнай және газ вице-министрі.

2014 –2019 жылдары – ҚР Энергетика вице-министрі

2019 жылдың 17 маусымынан бастап мемлекет басшысының жарлығымен ҚР Экология, геология және табиғи ресурстар министрі болып тағайындалды.

2021 жылы 9 қыркүйекте Қазақстан Республикасының Энергетика министрі болып тағайындалды.

2022 жылдың 5 қаңтарында Мемлекет басшысының Жарлығымен Үкімет толық құрамда отставкаға кетті.

2022 жылдың 13 қаңтарынан 2022 жылғы 14 сәуірге дейін ҚР Президентінің кеңесшісі.

2022 жылдың сәуірінен «ҚазМұнайГаз» ҰК АҚ басқарма төрағасы