Қазақстанда автокредит алу тәртібі жеңілдеді: көлікті арзанға қалай алуға болады

Қазақстанда автокредит алудың жаңа ережелері күшіне енді. Қаржы нарығын реттеу және дамыту агенттігінің қызметін реттеуге енгізілген түзетулер 2025 және 2026 жылдары күшіне енеді.

НЕ ӨЗГЕРДІ

Бұған дейін автокөлік кепілдігімен берілетін автокредит рәсімдеу кезінде қарыз алушының ай сайынғы төлемдерінің табысқа қатынасын көрсететін қарыздық жүктеме коэффициенті (ҚЖК) есепке алынбайтын. Енді бұл ереже екі жылға уақытша тоқтатылды. Ол келесі жағдайларға қатысты:

• Жаңа автокөліктерге;
• Алғашқы жарнасы 50%-дан асатын қолданыста болған автокөліктерге;
• 3 жылға дейінгі жүрілген көліктерге, алғашқы жарнасы 30%-дан 50%-ға дейінгі қолданыстағы автокөліктерге.

Агенттік бұл өзгерістер қазақстандық автопромды қолдау және жеңілдетілген автокредиттеу нарығын дамыту мақсатында енгізілгенін атап өтті. Сондай-ақ мұндай несиелердің тәуекелі төмен деп саналады, себебі автокөліктер кепіл ретінде қарастырылады және КАСКО бойынша сақтандырылады.

СҰРАНЫС

Қазақстандық нарықта жеңіл автокөліктерге деген сұраныс артып келе жатыр. Көлік алғысы келетін азаматтар саны артқан, бұл өз кезегінде отандық автонарық пен өндірістің дамуына серпін беруде.

2024 жылдың қазан айында елдегі автокредит көлемі 184 миллиард теңге болған.