Өтініш, жолға шықпаңыз: екі облыста таңға дейін жол жабық

ТАҢҒА ДЕЙІН ЖАБЫҚ

Батыс Қазақстан және Ақтөбе облыстарындағы жолдарда ауа райының нашарлауына байланысты жүк және қоғамдық көлік қозғалысы таңға дейін шектелген. Атап айтқанда, Ақтөбе – Орал – Ресей шекарасы трассасындағы келесі учаскелер жабық:

• Жымпиты ауылынан Ақтөбе облысының шекарасына дейін;

• Батыс Қазақстан облысының шекарасынан Маржанбұлақ ауылына дейін.

БҰҒАН ДЕЙІН

Қазақстанда 2025 жылғы 22 ақпаннан бастап екі жол ақылы болатынын хабарлаған едік. 

ҚАЙ ЖОЛДАР АҚЫЛЫ БОЛАДЫ

Бұл жол учаскелері ақы алу жүйесіне 2025 жылғы 22 ақпаннан бастап іске қосылады. 

1. "Қостанай - РФ шекарасы (Троицке)" автожолының 539-376 шақырым аралығындағы учаскесі (М-36). Жүргізушілерге "РФ шекарасы (Екатеринбургке) – Алматы" республикалық маңызы бар автомобиль жолы және "Қостанай – Рудный – Айет – РФ шекарасы" аудандық маңызы бар автомобиль жолдары арқылы баламалы жол ұсынылады. 

Ақылы учаскенің ұзындығы 163 шақырым болады. ІІ және ІІІ техникалық санаттан тұрады. Жүріп өту жолағының ені - кемінде 3,5 метр, қозғалыс жолақтың саны - 2 және 1 екі бағытта жолақ. 

2. II санаттағы Ақтөбе – Мәртөк – РФ шекарасы (Орынборға) республикалық маңызы бар жалпыға ортақ пайдаланылатын автомобиль жолының Ақтөбе – Ресей Федерациясының шекарасы (Орынборға) 17+000 – 99+692 км учаскесі.