Нұр-Сұлтан қаласының орталығындағы «Қазақмыс» ғимараты өртке оранды, деп хабарлайды ulysmedia.kz.
Желіде тұрғындар түсірген лаулаған өрт пен қою қара түтіннің видеолары тарап кетті.
«Сағат 18-33 минутта Нұр-Сұлтан қаласының ТЖД өрт сөндіру бөлімшелері Тұран даңғылы 37/10 мекенжайында орын алған өрт орнына жеке құрамның 44 адамы мен 11 техникасы құрамында шықты. Алдын ала ақпарат бойынша, ғимараттың шатыры және қаптауы жанып жатыр. Шақырту орнына өрт сөндірушілер 5 минуттан кейін дереу жетті. Қазір барлау жұмыстары жүріп жатыр», - деді астананың төтенше жағдайлар департаменті.
