Украина 30 күнге әскери қимылдарды тоқтатуға дайын, деп хабарлайды Ulysmedia.kz The Wall Street Journal басылымына сілтеме жасап.
УКРАИНА АҚШ-ПЕН САУД АРАБИЯСЫНДАҒЫ КЕЛІССӨЗДЕРДЕ 30 КҮНГЕ СОҒЫС ҚИМЫЛДАРЫН ТОҚТАТУҒА КЕЛІСТІ
АҚШ әскери жеткізілімдер мен барлау деректерімен алмасуды қайта бастайды. Украина мен АҚШ-тың бірлескен мәлімдемесі.
Джидда қаласында өткен келіссөздердің қорытындысы бойынша Украина мен АҚШ делегациялары бірлескен мәлімдеме жасады. Оның ең маңызды тармақтары:
Украина «30 күндік уақытша бітім режиміне» келісуге дайын. Бұл мерзім өзара келісім бойынша ұзартылуы мүмкін, бірақ Ресей Федерациясы бұл шарттарды қабылдап, толығымен орындауы қажет.
Сонымен қатар, АҚШ Украинаға қауіпсіздік саласындағы көмекті қайта бастайды және барлау деректерімен алмасуды жандандырады.
Бұл мәлімдеме тараптардың әскери іс-қимылдарды уақытша тоқтатуға және қауіпсіздік ынтымақтастығын жалғастыруға ұмтылысын көрсетеді.
