Германия билігі елдегі атом электр станцияларының жартысын жабу туралы шешім қабылдады, деп хабарлайды ulysmedia.kz.
lenta.ru-дың мәліметінше, 31 желтоқсанда елде қалған алты АЭС-тің үшеуі жұмысын тоқтатты. Қалған үшеуін келесі жылдың соңына дейін жабу жоспарлануда. Содан кейін Германияның энергетика саласы толығымен басқа энергия көздеріне көшеді.
Атом энергиясын кезең-кезеңімен тоқтату туралы шешім 2002 жылы канцлер Герхард Шредердің тұсында қабылданған болатын. Оның мұрагері Ангела Меркель бұл шешімді 2011 жылы Фукусимадағы жапондық атом электр станциясындағы апаттан кейін растады.
2030 жылға қарай неміс билігі де көмірден өндірілетін энергияның барлық түрін кезең-кезеңімен шығаруды жоспарлап отыр.
Қазақстанда 2021 жылы АЭС салу мәселесі күрт күшейді. Қазір билік «Росатоммен» келіссөздер жүргізуде.
