×
502.83
545.37
5.95
#қаңтар қақтығысы #Украинадағы соғыс #жемқорлық #тағайындау
502.83
545.37
5.95

Қамауға алынған Экрем Имамоғлы Түркия президенттігіне кандидат ретінде ұсынылды

24.03.2025, 09:00
Қамауға алынған Экрем Имамоғлы Түркия президенттігіне кандидат ретінде ұсынылды
Ашық дереккөздерден алынды

Республикалық-халықтық партияның (РХП) праймеризіне қатысқан 15 миллион түркиялықтың 13 миллионнан астамы қамауға алынған Ыстамбұл мэрі Экрем Имамоғлының кандидатурасын қолдады. Дауыс беру қорытындысы бойынша ол оппозициялық партия атынан ресми түрде президенттікке үміткер ретінде ұсынылды, деп хабарлайды  Ulysmedia.kz.

ТОЛЫҒЫРАҚ

23 наурызда өткен праймеризде біздің партияның 1,653 миллион мүшесі еліміздің болашақ президенті Экрем Имамоғлыға дауыс берді. Біз сондай-ақ бүкіл ел азаматтарын «ынтымақтастық үшін» дауыс беруге қатысуға шақырдық. Нәтижесінде 13,2 миллион адам Имамоғлыны қолдап дауыс берді, - деді РХП төрағасы Озгюр Озель.

Сондай-ақ ол Түркия басшысы Реджеп Тайип Ердоғанды кезектен тыс президент сайлауын өткізу туралы шешім қабылдауға және саяси додада Экрем Имамоғлымен бәсекеге түсуге шақырды. Сайлау әділ бәсекелестік жағдайында өтуі және Имамоғлы президенттік қызмет үшін күресуге мүмкіндік алуы керектігін атап өтті.

ТҮРМЕДЕН ХАТ

Дауыс беру қорытындысы шыққаннан кейін Силиври түрмесінде отырған Ыстамбұл мэрі өзінің алғашқы жазбасын жариялады. Онда ол отандастарына сенім білдіргені үшін алғыс айтып, миллиондаған азаматтың белсенділігін «елді езгіден босату үміті» деп атады.

Мен сіздерге өзімді қатты қуантқан Силиври түрмесіндегі жаңалықтарды жеткізгім келеді. Біздің партияның алдын ала президенттік сайлауында дауыс берудің рекордтық көрсеткіші тіркелді. Елдің 15 миллион азаматы дауыс берді. Бұл биліктің қысымынан, экономиканың құлдырауынан және заңсыздықтан зардап шеккен ондаған миллион адамның наразылығының көрінісі, – деп жазды Имамоғлы.

Тұтқындалған Ыстамбұл мэрін қолдаған жаппай наразылық акцияларының жалғасқанына бесінші күн болды. Reuters агенттігінің хабарлауынша, өткен түнде ғана жарты миллионға жуық адам Ыстамбұлдың және Түркияның басқа қалаларының көшелеріне шықты. Митингке қатысушылар Имамоғлыны дереу босатуды және оппозициялық саясаткерлерді қудалауды тоқтатуды талап етеді.

Естеріңізге сала кетейік, Экрем Имамоғлы «билікті асыра пайдаланды» және «сотты құрметтемеді» деген бірқатар айыптаулар бойынша ұсталып, Ыстамбұл мэрі қызметінен босатылған. Оппозиция мен халықаралық құқық қорғау ұйымдары бұл істен саяси астар іздеп, оны белгілі оппозициялық көшбасшылардың бірін саяси науқаннан шеттетуге бағытталған әрекет деп санайды.