Қазақстандық өзін психолог және коуч деп атайтын Бағила Ахметова есімді блогердің әлеуметтік желіде көп әйел алу туралы пікір білдірді. Ол қазақстандық қоғамның неге көп әйелділікті қабылдамайтынын түсіндірді, деп хабарлайды Ulysmedia.kz.
"БІЗ БӘРІН ӨЗІМІЗГЕ МЕНШІКТЕДІК"
Блогердің айтуынша, көпәйелділікті қабылдамау әйелдердің күйеуін жеке меншігі ретінде санауынан туындайды.
"Біз бәрін өзімізге меншіктеп алдық. Күйеуімізді де – ол тек менікі болуы керек деп санаймыз. Ол тек маған ғана тиесілі болуы тиіс деп ойлаймыз. Бірақ, шын мәнінде, ол сенікі емес. Ең алдымен, ол – Алланың құлы. Бұл – ашкөздіктен туындайтын сезім. Иә, бұл өте ауыр болуы мүмкін. Бірақ екінші әйел тек күйеуін меншіктеп алған отбасына ғана келеді", – деп жазды блогер Instagram парақшасында.
ОҚЫРМАНДАР НЕ ДЕЙДІ?
Блогердің оқырмандарының пікіріне кіріп көрдік. Арасында “дұрыс айтасыз”, “алтын сөздер” деп коучты қолдағандар кездеседі. Бірақ оның пікірін қабылдамағандар да бар.
“Сіздің күйеуің жоқ сияқты, не тұрмысқа шықпағансыз, не біреудің көңілдесісіз...Сондықтан осылай сөйлеп отырсыз...”- дейді желі қолданушыларының бірі.
БҰҒАН ДЕЙІН
Жуырда Атырауда мұз айдынында өткен жарыста бет-аузын тұмшалаған төрт әйелдің Қазақстан Республикасының Туын ұстап түскен суреті желіде кең тараған болатын. Тудың бетіне арабша жазу мен қылыштың суреті бейнеленген.
СОТТА НЕ АНЫҚТАЛДЫ
Сотта 23 наурызда кәмелетке толмаған А. басқа үш қызбен бірге Атырау қаласындағы мұз айдыны ғимаратында араб тіліндегі жазуы бар Қазақстан Республикасының туымен суретке түсіп, оны әлеуметтік желі арқылы таратып, ұсақ бұзақылық жасағаны анықталды.
Суреттегі қыздың әкімшілік құқық бұзушылық жасаудағы кінәсі әкімшілік құқық бұзуышылық туралы хаттамамен, фотосуретпен, баянатпен және басқа да іс материалдарымен толық дәлелденді.
ҮШ ҚЫЗДЫҢ ЖАЗАСЫ
Сот қалған үш қызды Қазақстан Республикасының Әкімшілік құқық бұзушылық туралы кодексінің 434-бабының 1-бөлігі бойынша (ұсақ бұзақылық) кінәлі деп таныды.
Азаматша Н.-ға қатысты ауырлататын мән-жайлар ескерілді — кәмелетке толмағанды әкімшілік құқық бұзушылыққа тарту және топ болып құқық бұзушылық жасау. Осыған байланысты ол 15 тәулікке қамауға алынды. Құқық бұзушы А.-ға 78 640 теңге көлемінде айыппұл салынды.
Сонымен қатар, кәмелетке толмаған Х.-ның заңды өкіліне 39 320 теңге көлемінде әкімшілік айыппұл салынды.
ДЕПУТАТ САУАЛЫ
Бапи бұл оқиғаның артында радикалды күштер тұруы мүмкін екенін алға тартып, құқық қорғау органдарын тергеуді тереңдетіп, оқиғаны ұйымдастырған нақты тұлғаларды жауапқа тартуға шақырды.
