АҚШ президенті Дональд Трамптың бағыты "Киев соғыста төтеп беруі үшін қажетті көмекті ала ма" деген күмән туғызды. НАТО Украина биыл алуға тиіс нақты соманы жариялады, деп хабарлайды Ulysmedia.kz.
НАТО УКРАИНАҒА ӘСКЕРИ КӨМЕКТІҢ СОМАСЫН АЙТТЫ
Ресей тарапынан қарулы агрессияға ұшыраған Украина бейбітшілік бастамаларына қарамастан, НАТО-дан әскери көмек ала береді.
"Ағымдағы жылдың алғашқы үш айында одақтастар Украинаға қауіпсіздік саласында 2025 жылы 20 млрд еуро көлемінде көмек көрсетуге уәде берді", - деп мәлімдеді НАТО Бас хатшысы Марк Рютте 2 сәуір, сәрсенбі күні Брюссельде өткен баспасөз конференциясында.
Рютте әскери көмекті Висбадендегі командование арқылы үйлестіру жалғасатынын растады.
"Ресей тарапынан қауіп әлі де сақталуда", - деп атап өтті ол.
Өткен жылы одақтастар Украинаны қолдау үшін 50 млрд еуро жұмылдырды, бірақ Трамптың бейбітшілік бастамалары аясында АҚШ әскери көмекті қысқартуы мүмкін деген алаңдаушылық пайда болды. Дегенмен, АҚШ Украинаға қару-жарақ жеткізуді жалғастыруда. Олар оны тек жылдың басында қысқа мерзімге тоқтатқан.
РЮТТЕ ТРАМПҚА АЛҒЫС БІЛДІРДІ
Трамптың делдалдық бастамасын пікірін білдіре отырып, Рютте "Бұл қорқынышты соғысты әділ және ұзақ мерзімді аяқтауға бағытталған кез келген күш-жігерді қолдайтынын" айтты. Сондай-ақ, ол Трамптың "бұғаттауды еңсере алғаны" үшін алғыс білдірді.
Сонымен қатар, Рютте Ұлыбритания, Франция және басқа елдердің Украинаға қауіпсіздік кепілдіктерін келісу бойынша күш-жігерін жоғары бағалады. Бұл кепілдіктер Киев АҚШ ұсынған бітімгершілікке келіссе күшіне енеді.
Рюттенің баспасөз конференциясы НАТО-ға мүше елдердің сыртқы істер министрлерінің 3-4 сәуірде Брюссельде өтетін кездесуіне орай ұйымдастырылды. АҚШ еуропалық одақтастардан әскери шығындарды едәуір арттыруды талап етеді деп күтілуде. Жаңа мақсатты көрсеткіштер маусым айында Гаагада өтетін келесі НАТО саммитінде бекітілуі тиіс.
