АҚШ-тың Украинадағы соғысқа қатысты саясатын бұрынғы сыртқы істер министрі Дмитрий Кулеба сынға алды, деп хабарлайды Ulysmedia.kz.
Кулебаның айтуынша, қазіргі таңда Украина үшін АҚШ-пен қарым-қатынасты реттеу өте қиын мәселе. Егер жағдай өзгермесе, Киев пен Еуропа Вашингтонға қандай да бір мәселеде сенуге бола ма, жоқ па деген сұрақты шешуге мәжбүр болады, деді ол.
Менің ойымша, бүгінгі таңда АҚШ-ты ‘дос немесе жау’ деп сипаттау тым радикалды болар еді. Қазір бұл ел бізге көмектесеміз деп, керісінше, қолымызды қайырып отыр. Сонымен қатар, олар Путиннің қолын қысып, мұны да бізге көмектесу үшін жасап жатыр деп түсіндіреді,” – деп келтіреді Кулебаның сөзін liga.net.
Бұған дейін АҚШ президенті Дональд Трамп Ресей президенті Владимир Путиннің Украинадағы соғысты тоқтату туралы келісімге келуіне үміттенетінін мәлімдеген болатын.
