"Астарлы ақиқат" бағдарламасында Дастан Оразбеков туралы бұрын еш жерде айтылмаған шындық ашылды, деп хабарлайды Ulysmedia.kz.
“БҰЛ ӨЗІ ҚЫЛМЫСКЕР”
Бағдарламада Дастан Оразбековтің әншілігінен бөлек актерлік өнері туралы да айтылды. Сол кезде студиядағы оның экс әріптесі актер Алмат Сақатов сөз алды.Айта кетейік қос жұлдыз кезінде “Бауыржан шоу” әзіл-сықақ театрында бірге өнер көрсеткен.
“Дастан негізі сахнада ұятсыз, наглый, талантты жігіт қой” – негізі дейді Сақатов.
Ары қарай актриса Бақыт Әліпбаева бірнеше жыл бұрын Дастанның басынан өткен қызық оқиғаны айтып берді.
“Тек қана әнші, биші емес жақсы актер деп айта аламын. Омбы қаласына кетіп бара жаттық гастрольдік сапармен. Жасы жетпегесін біреудің куәлігімен өту керек болды ғой. Шекарадан өтер кезде аты-жөнін сұрайды ғой, бұл білмейді. Қарамаған ғой”- дейді Әліпбаева Дастан туралы.
Сақатов сахнадағы серігінің сөзін іліп әкетті.
““Как вас зовут” десе мынау “там же написано де” дейді. Сөйтсе аналар сары орыстың құжатын беріп жіберген ғой. Мынау қап-қара. Сосын бұны машинаның артына салып өткізді. Таможнядан контрабандамен өткізген. Бұл өзі қылмыскер негізі”- деп әзілге бұрды Сақатов.
ДАСТАН ОРАЗБЕКОВ
Дастан Оразбеков – қазақстандық әнші, актер және биші. Ол 1982 жылы 5 ақпанда Жамбыл облысы, Жаңатас қаласында дүниеге келген. Дастан – әйгілі "Орда" тобының белді мүшесі, әрі жеке орындаушы ретінде де танымал.Өнерге деген қызығушылығы бала кезінен басталған. Ол мектеп қабырғасында жүріп-ақ ән айтып, би билеп, сахнаға шыққан. Кейін "Бауыржан-шоу" театрында өнер көрсетіп, сол жерде болашақ әріптестерімен танысып, "Орда" тобын құрған.Актерлік мансабында бірнеше фильмдер мен телехикаяларда рөлдер сомдаған. Оның қатысуымен түсірілген "Астана – махаббатым менің" телехикаясы көрермендерге жақсы таныс.
