АҚШ президенті Дональд Трамп кеден тарифтерінен күтетін табыс мөлшерін жариялады, деп хабарлайды Ulysmedia.kz.
БАҚ-тың жазуынша, АҚШ-тың экс-президенті Дональд Трамп енгізілген сауда баждары елге қосымша 6–7 триллион доллар әкеледі деп санайды. Оның айтуынша, бұл қадамнан кейін АҚШ-тың қор нарығында және жалпы экономикасында "өрлеу дәуірі" басталады.
Менің ойымша, бәрі өте жақсы жүріп жатыр. АҚШ-қа 6–7 триллион доллар түседі, – деді Трамп журналистерге берген сұхбатында. Ол кедендік саясаттың қор нарығына ықпалы туралы пікір білдіріп, сөзін ANI News-тің YouTube-арнасында тікелей эфирде жеткізді.
2 сәуір күні Ақ үй басшысы импорттық тауарларға 10-нан 50 пайызға дейін баж салығын енгізетінін мәлімдеді. Бұл тізімге 27 пайыздық тарифпен Қазақстан да кіріп отыр. Жалпы, жаңа кедендік шектеулер 185 елге қатысты.
Бұл жаңалық отандық жұртшылық арасында алаңдаушылық туғызғаны рас. Алайда сауда және интеграция министрлігі халықты сабырға шақырып, ахуалды бірден теріс бағаламауға үндеді. Өз кезегінде белгілі қаржы сарапшысы Расул Рысмамбетов те бұл жағдайға позитивті қырынан қарауға кеңес береді.
